تسمح لي ابكي بصدرك واغسل آلامي
تسمح لي امسح دموعي في طرف ليلك؟
ذوّب حديثك جبال الصمت قدّامي
وانهـار حتـى الكـلام وصـار يبكـي لـك
ودّي افضفض واسولف لك عن ايامي
عن كل شيٍ جرحني قبـل لا أجـي لـك
خذني بحنانك وطفّ البرد بعظامي
يمكـن بحضنـك ينـام الليـل واحكـي لـك
محتاج اسافر بعيدٍ فيك بأحلامـي
وانـزل بصوتـي علـى شاطـي مواويلـك
واحط راسي بصدرك شوقٍ وهيامي
واترك خفـوقٍ تعـذّب فيـك يشكـي لـك
خذني وذوّب بعيني باقـي اوهامـي
مشتـاق دمعـي يلامـس خـد منديلـك
خذني حبيبي ترى مازلت بك ظامي
واسمـح لظاميـك يشـرب مـن تراتيلـك
الخميس أكتوبر 25, 2007 7:21 am