هذه قصيدة الشاعر العراقي عباس جيجان التي يرثي فيها صدام حسين

السلام عليكم ورحمة الله وبركاتة

اخواني الأعــزاء هذه قصيدة الشاعر العراقي عباس جيجان اللتي يرثي فيها القائد الراحل ((صدام حسين)) _رحمه الله_

ويه الفجر
يوم العيد
وي نحر النحور
صدام قدم للوطن روحه
إجه مثل ألأسد مجروح
يمشي وتضحك جروحه
هم شايف جبل ينكاد
وإذا شفت الجبل مكيود
تلكه العله بسفوحه
مثل النخل مات وكوف
شاخص شامخه صروحه
لك لو هيجي الرجال تموت
لو غم الرجال بموت ماصخ مابه ملوحه
بجيت وما بجيت عليك
بجيت على الزمان الضمك بلوحه
بجى حتى الفرات عليك
ونهر دجله إنتحر موحه
إذا ً تستاهل عليك ينوح
شاعر ما بطل نوحه
لأن إنته الوحيد إلذي خليت
المشانق للرجال تصير مرجوحه

رغد يا رغد لا تبجين
بس دمعة حزن للزين مسموحه
أبوج ألكتب إسمه بجبهة التاريخ
كعبه الوطن عنده وعاليه سطوحه
الزمن يشهد لأبو ألليثيت
ولو آنه شهادتي بصدام مجروحه
ما دنك براسه وإنحنى للجلاد
رغم سلسلوا رجله وشدوا جفوفه
رفض يلبس نكاب الموت
وضحك على الموت سنه وعيننه تشوفه
عجل والله يتباهى يسجل التاريخ
عنه وتكتب حروفه
مو حبل العلى الركبه طلع ملفوف
ركبه على الحبل طلعت الملفوفه
إذا ًحقها العرب تحزن عليه وتنوح
وكع خيالها والشمس مكسوفه
من زغره عجيد عنيد وضد الأستعمار
ابوج الوصل سابع جار معروفه
وإذا البصره حزنت مصباح يوم العيد
يم تكريت طلعت تلطم الكوفه
وإجت نينوى محنية ظهر وتصيح
وين ابن الرمادي الباشطه سيوفه
سووها العلوج ودنسوا بغداد
وعاصمة الرشيد اصبحت مجتوفه
إذا ً تستاهل عليك ينوح
شاعر ما بطل نوحه
لأن إنته الوحيد إلذي خليت
المشانق للرجال تصير مرجوحه

وهذا الرابط الصوتي
http://media.abolkhaseb.net/sound/abas_sadam.mp4
منقـــــــــــــــــــــــول </FONT>